شوفت بقلم /مجدوب الرمي

شوفت لمجدوب.....

كحلت خفت عينيا بالشوف( خفة)
لاهيت الكبدة لحنينة بالصبر
زميت فم لقليب لي ملهوف
بحفنة تراب.كفن من كتان و ظلمت لقبر
زعزعت نادر الطمع خلعتو بلخوف
بكلام نقي و تقي كتبتو بلجهر
طبعتو في لوح ليام لمكشوف
هزني حال الجدبة و ساكني حضر
خلطت حنة التوبة زوقت بيها لكفوف
خويت قليبي آنا من لحسد و لغدر
سرجت عود التقوى بسرج المعروف
خويت بلاد الظلم و غلبت على الشر
قطعت حبال لحقد لكذوب و لحلوف
سقيت جنان الروح حسنات و لخير كثر
 زيرت لجام النفس ما بقيتش ملهوف
عرفت. حتا حاجة ماتدوم من غير لقبر 
نوصيك يا صاح سير ساوي الصفوف
خلي قلبك بحب الله يفيض و يعمر
تدخل للجنة و منها تقطف قطوف
تفوز برضى الكريم و خبزتك تخمر
دير في بالك حتا حاجة ما تعمر الجوف
سعدات لي صلى و صام و تهلا فالصبر

بقلمي : مجدوب الرمى

Le 07/04/2020