ايه يابن البلد
قلي شوعامل بهالبلد
عايش متل العجايز
قلي كيفك انت والولد
طل العيد على العباد
مافي فرحة لعيون الولاد
ايه يابن البلد
ماشي بالطرقات
متل السكران
بتحاكي حالك
والله طفران
مافي شي بيطمن بهالبلد
قلي شوبدك تعمل
لطعمي الولاد
خرجية للعيد مافي للولاد
مافي مصاري
لتشتري لابنك تياب جداد
حاكي حالك
اه منك يابلد
سرقوا الفرحة
والاكلة من تم الولد
الاسعار ياخي جاني بالغلا
مافي عملة بجياب احد
اتطلع بعينك
وبلاع بريقك
شكيت السارق
المتخبي لواحد احد
باطلب من رب العباد
تحل رحمة لاهل البلاد
لتعيد انت ياابن البلد
لوكسرة خبز
تسد التم الجوعان
ورقعة تياب لتستر الولد
لنشعر بالعيد بالعيد ياابن البلد
كل عام واحبتي بالانسانية بألف خير
بقلمي نجاح نقولا كسبري
تعليقات
إرسال تعليق