اعشق غيرك بقلم /مؤمن حداد

واعشق غيرك ليه
أنا شفت منك إيه
غير حب وحنان
بعد سنين حرمان
كانوا سنين عجاف
وناس مش لطاف
بيحبوني مصلحه
وعايشين دور العفاف
شفت في قلوبهم جفاف
وكنت يوم ما احتجلهم
لا مين سمع ولا من شاف
لحد ما جه حب ليك
كان حب تاني بطعم غريب
إحساس جميل وشئ عجيب
شدني جدا ليك
خلاني أتوه في عينيك
وادوب من لمسة إيديك
عشقت كل حاجه فيك
نظرتك همستك ضحكتك
حتي الدمع اللى في عينيك
منكرش إني عرفت قبلك بنات
بس من يوم ما شوفتك نسيت كل اللى فات
كل الحاجات القديمة والذكريات
كأني اتولدت من جديد
أنا هسمي يوم لقانا يوم عيد
وهسجله في كتاب حياتي
بتاريخ سعيد
أنا هبدأ معاك صفحه من جديد
وليه صفحه واحده خليها كتاب
وأجمل يوم يوم ما كتبنا الكتاب
كان أجمل يوم في حياتي
نساني كل أوجاعي وآهاتي
كنتي لابسه فستان جميل
هو كان ضيق حبتين
بس كان طويل
حسيت إني أول مرة أشوفك
مع إني شوفتك كتير
إيه اللى اتغير يا مؤمن اه
ما أنت مش واخد ع التغيير
حبه حبه بالهداوة
كل يوم بتزيد غلاوة
ده أنت مكانتك في قلبي
بتزيد ترقيه وعلاوه
واحدة واحدة بلاش شقاوه
سبني احبك بالهداوة
إنت مش بس حلو
إنت أحلي من الحلاوه
مؤمن حماد