(رميت قلمي)
رميت قلمي
طويت ورقي
داويت المي
بنقطة ميه من عرقي
رميت قلمي
لان حبره كان احمر
وواضح انه من دمي
طويت ورقي
لان حروفه مكتوبه
وشايله ع السطور همي
كرهت الورقه وسطورها
سهرت ليالي مع طولها
افكر في الحروف تاني
نسيت جملة محبه وحب
دي جمله يادوب ومن حرفين
فاكرها وهيا نسياني
قلم يكتب حروف احزان
عديمة حس ومعاني
وبعد السهد والحرمان
هافكر ف القلم تاني
ده مش ممكن ولا يمكن
ازل نفسي وكياني
حلفت ع القلم ارميه
وقررت الورق اطويه
والمي بالسكوت هاداويه
ولا اني اعيش محتار
مع الحرف اللي مش بلاقيه
ولو افتكره علي بالي
الاقيني في لحظه ناسيه
ولاجل انسي ساعات المي
طويت ورقي ورميت قلمي
عشان مأنسي سنين همي
بقلمي /( عبده النجار)
تعليقات
إرسال تعليق