ميزان الناس....
عافاك
وزنني على حساب فعالي
لا تاخدش مقياسي بلمال
فالشدة سولني على حالي
و دير بحساب يتبدل الحال
لا كنت عندك عزيز و غالي
خاف عليا من الشر و لهوال
عمر
الحب الصادق ما يرجع بالي
الطمع فهاد الدنيا يبدل لحوال
طير لمحبة يحلق في لعلالي
يسرح جنحيه النهار و ما طال
يرفرف و يطير فالسما عالي
فوق الجبال و لبحور و لجبال
طوير لحسرة وسط الهم يشالي
يحس بجناحو مهرسين و ثقال
بين دروب الهم حالو بوهالي
واحد ما يسول عليه تسوال
لهلا
يخليك بين الناس يا راسي تالي
لهلا يطيح علامك ما بين الرجال
سمع و فهم يا السامع قوالي
قرا كلامي و خليه ديما فلبال
عمر الجديد ما يكون كيف البالي
لمزلوط و الغاني ماشي بحال بحال
الفقير مسكين فالجماعة ديما متلي
و لي عندو يشرفوه على وجه المال.....
مجدوب الرمى. Le 01/06/2020
تعليقات
إرسال تعليق