( ؛ ؛ ؛ وطرح الحلم ؛ ؛ ؛ )
بقوم الصبح من نومي
أقول ربي
وباب العلم من شوقي
وشُوقُه ليّه مستني
تنادي الحاجه وتصبّح
وتطبطب على سدري
وتفضل تدعِي وتربحّ
كده أُمي
أقوم دافع كده كسلي
وأقوم اجري
على الجنه
دفاتر تحكِي عن حلمي
تحكِي النوم كده قاعد
يغفّل راسي يسرقني
ويسرق مني أحلامي
دا انا صاحي
ودا قلمي ودا وعدي
دا وعد قطعتُه ياروحي
فرُوح دا الحاجه
قاعدالك وحارسه
حلمنا إجري
أنا مصحصح
هنا يّا امّه ولا تخافي
خلاص تعبك
هيطرح حلم
يتبروز هنا جنبك
وطرح الحلم
واتبروز هنا شهادتي
ولبست التوب
ومتخرج واقول اُمي
وتبكي امي من الفرحه وتدعيلي
وادي شهادتي
هنا يّامّه فى بروازي
هنا جنبك
لميت دفاتري وحجاتي
كده فى شنطه
وخدت سلاحي فشهادتي
وقُلت ابدأ
وفخر الدنيا يركبني
من علمي ومن أملي
ولقيت طابور
يطوّحني وينده نِمره
مش إسمي
وتاني يوم
أقوم رايح
عشان نمرتي وإسمي
ييجي الصفّ
راح سايح
وحاذي يا بني بالرسمي
تفوت شهور
وانا دايخ
واسأل قوليلي يا شهادتي
ليه تعبي وليه سهري
وشيطاني يحاوطنِي
عشان ارمي
كده كُراسي ودفاتري
واسيب علمي
واقوم رايح غاسل وِشِي
وتْجيبلي أُمي
ينسونها وانا أشرب
ومسودّه فى معلومه كدا أبني
ما هو البنّا كده بيبني
ولكن حلمي مش طوبه
دا حلمي راح يفيد بلدي
وليه بلدي بتنكرني
وليه إسمي يكون نمره
قالولي وسطا يا نمره
وانا وسطتي ربي
أمشي يا بلدي مين يبكي
دا أُمي قاعده بتغني
خلاص الحلم
بقى دكتور
بُكره عيادتُه كدا بالدور
خلاص الدوخه هتسيبني
وعُمر الكد يغلبني
وخلاص العُمر هيولي
وانا ماشي هنا بكمدي
تحدفني رجلي من قهوه
لسوق عماله مستني
عشان رزقُه
كده فى يومه
برضك طابور ومستني
عشان واحد
يجي يشاور
عايزك تعالى قوم يابني
وشلت يا عيني
فى الفاعل على كتافي
وانا ببكي
بداري دموعي
عن روحي كذا شهادتي
أروح بيتي متهدد
تغني اُمي
جِه الدكتور على بيتُه
مستوظف ومتهني
أبكي ياامّه ولا اضحك
على شهادتي
أروح أوضتي
أبص لمكتبي وابكي
وبروازي على الحيطه
ولا يبكي
لكن شيطاني
قام يضحك أنا فشلك
فى عز الليل تذاكرلي
قلت ياما مسمعتش
سوى أملك
قالها النهج فى بلدك
ضربها الزند فى كَبَدَك
سُلاله واسمها بلدك
قولي تعالي أيه أملك
أقولك يالّه أيه أخرك
عامل فى شَدّه
والفاعل هنا كتفك
أقول تاني ولا اسكُت
عشان اُمك
..... .... ..
أحمد الصاوي مصر ١٨ / ٤ / ٢٠٢٠
بقوم الصبح من نومي
أقول ربي
وباب العلم من شوقي
وشُوقُه ليّه مستني
تنادي الحاجه وتصبّح
وتطبطب على سدري
وتفضل تدعِي وتربحّ
كده أُمي
أقوم دافع كده كسلي
وأقوم اجري
على الجنه
دفاتر تحكِي عن حلمي
تحكِي النوم كده قاعد
يغفّل راسي يسرقني
ويسرق مني أحلامي
دا انا صاحي
ودا قلمي ودا وعدي
دا وعد قطعتُه ياروحي
فرُوح دا الحاجه
قاعدالك وحارسه
حلمنا إجري
أنا مصحصح
هنا يّا امّه ولا تخافي
خلاص تعبك
هيطرح حلم
يتبروز هنا جنبك
وطرح الحلم
واتبروز هنا شهادتي
ولبست التوب
ومتخرج واقول اُمي
وتبكي امي من الفرحه وتدعيلي
وادي شهادتي
هنا يّامّه فى بروازي
هنا جنبك
لميت دفاتري وحجاتي
كده فى شنطه
وخدت سلاحي فشهادتي
وقُلت ابدأ
وفخر الدنيا يركبني
من علمي ومن أملي
ولقيت طابور
يطوّحني وينده نِمره
مش إسمي
وتاني يوم
أقوم رايح
عشان نمرتي وإسمي
ييجي الصفّ
راح سايح
وحاذي يا بني بالرسمي
تفوت شهور
وانا دايخ
واسأل قوليلي يا شهادتي
ليه تعبي وليه سهري
وشيطاني يحاوطنِي
عشان ارمي
كده كُراسي ودفاتري
واسيب علمي
واقوم رايح غاسل وِشِي
وتْجيبلي أُمي
ينسونها وانا أشرب
ومسودّه فى معلومه كدا أبني
ما هو البنّا كده بيبني
ولكن حلمي مش طوبه
دا حلمي راح يفيد بلدي
وليه بلدي بتنكرني
وليه إسمي يكون نمره
قالولي وسطا يا نمره
وانا وسطتي ربي
أمشي يا بلدي مين يبكي
دا أُمي قاعده بتغني
خلاص الحلم
بقى دكتور
بُكره عيادتُه كدا بالدور
خلاص الدوخه هتسيبني
وعُمر الكد يغلبني
وخلاص العُمر هيولي
وانا ماشي هنا بكمدي
تحدفني رجلي من قهوه
لسوق عماله مستني
عشان رزقُه
كده فى يومه
برضك طابور ومستني
عشان واحد
يجي يشاور
عايزك تعالى قوم يابني
وشلت يا عيني
فى الفاعل على كتافي
وانا ببكي
بداري دموعي
عن روحي كذا شهادتي
أروح بيتي متهدد
تغني اُمي
جِه الدكتور على بيتُه
مستوظف ومتهني
أبكي ياامّه ولا اضحك
على شهادتي
أروح أوضتي
أبص لمكتبي وابكي
وبروازي على الحيطه
ولا يبكي
لكن شيطاني
قام يضحك أنا فشلك
فى عز الليل تذاكرلي
قلت ياما مسمعتش
سوى أملك
قالها النهج فى بلدك
ضربها الزند فى كَبَدَك
سُلاله واسمها بلدك
قولي تعالي أيه أملك
أقولك يالّه أيه أخرك
عامل فى شَدّه
والفاعل هنا كتفك
أقول تاني ولا اسكُت
عشان اُمك
..... .... ..
أحمد الصاوي مصر ١٨ / ٤ / ٢٠٢٠
تعليقات
إرسال تعليق