مربعات الكورونا بقلم /بسيوني صديق

مربعات الكورونا
**************
كل الحكاية معروفة
بعدنا عن رب الكون
وألاعيبنا بقت مكشوفة
على كل شكل ولون
****************
كنا وبعافية شوية
قلنا خلاص هتروق
جات الكورونا محشية
ياسواده إللي يدوق
****************
يا كورونا مالك مالك
هاجمة بقوة علينا
كل من لمسك هالك
والمنبوذ هاجر أراضينا
****************
يا كورونا خلتينا نخاف
وطلعتي عين اللي جابونا
لا طولنا العيش الحاف
ولا طولنا ناكل مكرونة
******************
الفلوس ضاعت وخلاص
وبقينا زي المهابيل
والمحتاج كسر البلاص
ونهارنا بقى زي الليل
******************
الرجالة قعدت في البيت
والسلطة في ايد الستات
تأمر تنهي وتقول ياريت
والرجالة رقصت بصاجات
*****************
واتقفلت مساجدنا بسببك
والحسرة اتحشرت جوانا
صبح وليل نلعن ونسبك
غوري ف داهية ياكورونا
********************
بسيوني صديق