خيانة وطن بقلم الشاعر &محمد غبن

( خيانة وطن )

القصه كانت نفس وروح
لزرعه منبته خضار
بتحلم تكون كيان بعد
سنين عذاب واحتلال ومرار
قالوا ثورات ربيع هتخلى
النبته تخضر وتعيش زى الكبار
وأتاريه مسلسل تم طبعه
اوتحميضه وقالوا ساعتها ثوار
الكل مكدبش الخبر وطلع
يجري ع الميادين لجل نور النهار
وضلمة القلوب اللي متحمله
عقول خلتها في حالات إنحدار
والطبيعي مكنش ليهم حلم
غير لقمه تسد جوفهم الجعان
واي شربه والسلام المهم
يحسوا إنهم فيصل بني إنسان
وعشان زي ماقولت ملهمش
حلم غير النبته تصبح خضار
لجل يعيش ويآكل من
خيرها الصغير فيهم والكبار
كانوا عايزين يبيدوا الزرعه
وتنشف وتبقى فى إنهيار
ويضيع منها النفس وتبقى
هيكل مستساغ لأى إحتلال
وبالتالى هيتمنع عنها كل شئ
الميه والنفس واللقمه الحلال
وهتبقي وقتها متشبعه
بروح المهانه والتحكم والإزلال
و فجأه فاقت الشعوب من وهم
ثورة ربيع وانها هتخليهم جياع
وإنهم سلعه رخيصه للي حكموا
وقتها سلعه وحكمنا إنها تتباع
جندوا بلطجيه فتحت السجون
خلوا الشعوب فى حالة مشاع
لأ وبيقولوا قوم دين ياوطن وهم
كانوا هيبعوك في سوق المتاع

بقلمي الشاعر محمد غبن
         شاعر آل غبن
         17/4/2020