بس آوعي تنسـآني بقلم /علي يآقوت

بكرة

بكرة تنزاح الغُمة
ونرجع تانى لمة
وازور الجد والخال
وابوس ايد العمة
واخدك بدال الحضن حضنين
واضمك بدال الضمة الف ضمة

بس انت ادعى من قلبك
وقول ياالله
قوينا على الزمن وبلواه
بكرة دا كله كلنا حننساه
لما نرجع لطريقنا
من غير الم
واه
وقول يارب هونها وعديها
وريح نفسنا واشفيها
من غل وحقد
بقاله زمان عميها
عن الحب والود
لقلوب محبيها

وبكرة نتلم ياصاحبى من تانى
بس اوعى انت تنسانى
اديك عرفت عنوانى
حستناك فى نفس المكان.
واخدك قى احضانى

لما تنزاح الغُمة
ونرجع تانى لمة
وازور الجد والخال
وابوس ايد العمة

على ياقوت
مصر