طوير الغربة بقلم /مجدوب الرمي

طوير الغربة......

اليوم بكيت
 نزلو دموعي ع لخدود
لكبدة مجروحة
 دويت. تسرح اللسان
شكيت و دعيت
لله الحي الموجود
يحمينا و يرحمنا
 و يحفظ هاد الواطان
نعم الوكيل
مول الكرم و الجود
يحفظ أمتنا
و يحفظ كل إنسان
غريب على بلادو
 يرجع لينا و يعود
لعند حبابو
 يبرا و حالو يزيان
ما يبقى محاصر
 ليه يتفتحو لحدود
تزول الغمة
ليه يتحلو لبيبان
يرتاح بالو
 عليه يزولو لقيود 
بجهد الله العالي
 الكريم المنان
ليك يا بلادي
 ليك تمنيت نعود
هزيت كفوفي
 دعيت الحق الرحمان
توحشت ولادي
 بيني و بينهم حدود
يا ربي فرج
 على عبدك العيان
شوف من حالو
 و يبلغ المقصود
يرتاح بالو
 يرجع لحبابو فرحان
سماه تصفى
 من لغيوم و الرعود 
بجاه نبينا طه
 الرسول العدنان
يرجع لوطانو
 بجهد الله الموجود
يفرح فحياتو
يعيش و أيامو تزيان 

بقلمي : مجدوب الرمى😢😢😢😢