لمريا بقلم /مجدوب الرمي

قصيدة : لمراية
                             

شفت وجهي في لمراية
سهيت أنا و بقيت نشوف

           نطقات هي و دوات معايا
          قالت ليا آش راك تشوف

من برا مزوق نتايا
آش خازن في داك الجوف

          تبان ليا كمرة ضواية
         عامر بالزواق و لهتوف

الصورة زينة ها هيايا
قلبك نتا ما فيهش لخوف

          سير زين فعلك نتايا
          تتشهر و تولي معروف

خاف الله تسلح بلوعاية
و لخوك قدر الظروف

           بعد آسيدي من حدايا
          و بيا ما تبقاش تطوف

كون راجل و هضر معايا
سير ضبر لك فلمصروف

           متبقاش مقابل معايا
          ترجل يا داك لحلوف

النسا راهم ديما حدايا
النهار كامل فيهم نشوف

           آنا معاك حتا للنهاية
          قدرك عندي ولا معيوف

لا بغيتي تتعاير معايا
سير قرا و جمع لك لحروف

            كنطلب ليك الهداية
           سير قدح يرجع لك الشوف

بقلمي : مجدوب الرمى