يآولدي بقلم/صـمـويل فآيق

ياولدي/ بقلم صموئيل فايق
خليك شديد ياولدي
اوعي الظروف تأذيك
وتكره بلدك وبلدي
اصبر وربنا هايديك
واوعي تنسي حبها
اللي زرعته فيك
ولا في يوم تهرب وتجري
وانت باصص تحت رجليك
كمل للاخر وفي الصعب عافر
هاييجي يوم فيه هاتراضيك
تعوض تعبك وترتب
الفرح ليك
ترفع شأنك
ووسط الخلق تعليك
مش بأيدي يا ولدي
في الفقر معايا اخليك
حبيبي هي دي حياتنا
وربنا من الهم هايعديك
ارضي بنصيبك في الدنيا
ووري حلمك خليك
لحد مايتحقق
علشان فرحها تهديك
وتحس بحملك فوق كتافك
وبلاش تيأس بدل مايدوس عليك
مفيش تعب بيروح هدر
وانت هاتشوف بعنيك
ساعتها هاقول ده ولدي
وابيع عمري واشتريك
وتعرف ان العيب في البشر
مش في الارض اللي تحتيك